Прыйшлі Каляды - усе людзі рады
13.01.2023Прыйшлі Каляды – усе людзі рады.
Вепручкоў смаляць і жыццё хваляць.
А перш за ўсё трэба куццю на стол паставіць:
Зараз прыйдуць да нас госці – калядоўшчыкі.
У шумным карагодзе вакол казы, мядзведзя, цыганкі сабраліся вясёлыя выхаванцы . Дзеці спявалі абрадавыя песні «Калядачкі», «Дудка», танцавалі «Трасуху», гулялі з цыганкай і мядзвядзем ды частавалі калядоўшчыкаў рознымі прысмакамі.
На фальклорным свяце панавалі смех, пацехі, жарты на беларускай мове.
Няхай у гэты чароўны час ад Каляд да Вадохрышча ўсе самыя запаветныя жаданні і мары збываюцца!